BUTUAN CITY – Malampusong nakasurender ang upat ka aktibong miyembro sa Communist Terrorist Group ilalom sa Northeastern Mindanao Regional Committee kon NEMRC ngadto sa 2nd Surigao del Sur Provincial Mobile Force Company nga nakabase sa Brgy. Telaje, Tandag City, Surigao Del Sur kagahapong adlawa, Marso 31.
Giila ni Police Regional Office kon PRO-13 director Brigadier General Joselito T. Esquivel, Jr, ang mga misurender nga sila Alyas “JOAQUIN”, residente sa Sitio Cabalawan, Brgy Anahao, Tago, Surigao del Sur; Alyas “JUNEL” ug Alyas “JADE” nga parehong nanimuyo sa Sitio Mam-on, Brgy. Tubo-Tubo, Cagwait, Surigao del Sur, miyembro sa Militia ng Bayan, ilalom sa nagkahinay nga Guerilla Front 19, NEMRC; Alyas “JUN”, ilalom sa Guerilla Front 30, NEMRC, ug residente sa Sitio. Lubcon, Brgy. Mabahin, Cortes, Surigao del Sur.
Misurender si Alyas “JOAQUIN”bitbit ang usa ka unit sa kalibre .38 revolver nga dunay kargang upat ka buhing bala samtang si alyas ”JADE” nagdala usab og duha ka subersibong libro.
Human sa sunod-sunod nga negosasyon nga gihimo sa police personnel sa Surigao del Sur, mipili ang mga niini nga mubalik sa sabakan sa balaod tungod sa kalisud ug pag-abuso nga ilang nasinatian samtang anaa sa armadong pakigbisog.
Gi-welcome sa PRO13 director ang kanhe nga mga rebelde dungan sa pamahayag nga nakahimo ang mga niini sa saktong disesyun sa pagsubay sa dalan sa kalinaw.
Sumala pani RD Esquivel, Jr. nga tabangan ang mga niini sa pagproseso aron makakuha sa Enhanced Comprehensive Local Integration Program kon E-CLIP sa gobyerno.
Lakip sa benipisyo alang sa mga kanhe rebelde mao ang pagpalit sa nadalang armas, hinanaling cash assistance, ug livelihood assistance.
