-- ADVERTISEMENT --
BUTUAN CITY – Patay ang upat katawo human ang pagkahagsa sa gamay nga eroplano sa Maguindanao del Sur.
Gikumpirma ni U.S. Embassy spokesperson Kanishka Gangopadhyay nga usa ka American military-contracted aircraft ang nahagsa sa Barangay Malatimon, Ampatuan. Wala na usab kini naghatag og uban pang detalye bisan ang identity sa mga biktima.
Sumala sa mga residente sa lugar , nakita nilang nag-aso na ang eroplano sa kawanangan adiser kini hingpit nga nahagsa.
Nadamay pa sa insidente ang usa ka kabaw nga gitugway sa bukid nga nahagsaan sa eroplano.
Gisuta pa sa mga otoridad ang hinungdan sa nasangpit nga insidente.
-- ADVERTISEMENT --
