BUTUAN CITY – Nagpadayon karon ang search, rescue ug retrieval (SRR) operations alang sa 4 ka tawong na-missing sa lalawigan sa Surigao del Sur atol sa pagkuso-kuso sa bagyong Auring niadtong weekend.
Gi-ila sa Provincial Disaster Risk Reduction and Management Office kon PDRRMO ang usa sa mga missing nga si Florencio Rivas Blanco, 56-anyos, residente sa Brgy. Pong-on, lungsod sa San Agustin ug gipakisayran pa ang hinungdan sa iyang pagkawala.
Samtang ang laing tulo, na-ilang sila Vengie Alisaca, 39; Danilo Nerona, 32; ug Ronie Llano, 41 nga pulos taga-General Santos City, kinsa sakay sa bangka dihang mitiklaub kini ug na-unlod sa kadagatan sa Bislig City.
Gawas sa missing, duna usa’y duha ka angol nga nailang sila Charlito Polka, 42, kinsa nasamad gikan sa na-anod nga sin didto sa lungsod sa San Miguel ug si Mary Jane Tambalong, 37, kinsa na-igo sa kilat.
