BUTUAN CITY – Proud nga gipa-ambit sa Surigaonon Discus Throw Gold medalist Crisbirth Crabajales nga napildi niya ang magdudula sa Southeast Asian Games kon SEA Games 2023 sa ilang panag-agbat sa Palaron Pamabansa 2024.
Saysay sa magdudula sa eksklusibong pakighinabi ning sibyahan, upat na ka mga unibersidad ang nag-offer kaniya og sholarship nga gilangkuban sa University of Santo Tomas, National University, ug lain pang duha nga puros atua sa kaulohang Manila.
Plano niini nga kuhaon niya ang maong offer, apan sabotan pa usab nila kini sa iyang pamilya.
Sigon sa discus throw rookie, igo lamang matud pa siya gipasabay-sabay og training niadtong grade 11 pa siya, nga maoy sinugdanan sa iyang pag-practice gamit lang ang sako nga dunay sulod nga balas.
Subay ni Crisbirth, wala niya damha nga maka-gold siya sa Palaro.
Nasayrang anaa sa 1.75 kilos ang standard nga gibug-aton sa plato nga ilang gamiton dula, diin sa final sa nasangpit nga event, nalabog niya kini sa gilay-ong 40.15 ka metros.
