BUTUAN CITY – Ipasaka na karong adlawa ang kasong paglapas sa RA 9484 kon ‘An act to regulate the practice of dentistry, dental hygiene and dental technology of the Philippines’ batuk sa 4 ka mga suspetsadong nasikop sa simultaneous entrapment operations kagahapong adlawa dinhi sa Butuan ug lalawigan sa Agusan Del Norte.
Sa pakighinabi sa Bombo Radyo Butuan, gipadayag ni Police Lt. Col. Eugene Balugo, Deputy Regional Chief sa Criminal Investigation and Detection Group kon CIDG-Caraga Regional Field Unit, gihimo ang operasyon tungod sa sumbong sa Philippine Dental Association-Caraga mahitungod sa gihimong dental malpractice sa mga dinakpan.
Unang gihimo ang operasyon pasado alas 2:15 sa hapon sa beauty parlor nga nahimutang sa Purok-1, Barangay Holy Redeemer ning siyudad diin aktong nasapong nagbuhat og dental braces ang gipangsikop nga sila Juliviel Bado ug Shiella Manzo pulos residente sa maong lugar.
Samtang pagka-alas 4:50 sa hapon, laing police operation usab ang gihimo sa dental clinic sa may District-7, Brgy. Kinabjangan, Nasipit, Agusan Del Norte nga miresulta sa pagkasikop nila Franklin Ortega Sardual kinsa mihimo og dental practice lisensiya taliwa nga wala’y lisensya ug anak niining si Kharon Sardual Estacio nga usa ka licensed dentist.
Pasabot pa ni Police Lt. Col. Balugo, lakip sa gidakop ang anak niini tungod sa pag-tolerate sa iyang amahan nga mudawat og kliyente diha sa iyang dental clinic.
Narekober sa duha ka operasyon ang daghang mga medical nga kagamitan.
