BUTUAN CITY – Sikop sa mga otoridad ang upat ka indibidwal, diin tulo ang samaran, sakay sa bao-bao atul sa gihimong hot pursuit ug checkpoint operation ning nakalabayng adlaw sa Barangay Das-agan, San Francisco, Agusan del Sur.
Sayrang naghimo og operasyon ang 3rd Special Forces Battalion, ilawom sa 401st Infantry Brigade, human sa nahitabong binayloay og bala tali as mga rebeldeng grupo nga New People’s Army ug sa mga kasundaloahn sa Sitio Sante Fe, Brgy. Magsaysay, Prosperidad niadtung Marso 4, diin usa sa mga rebelde ang nakutloan og kinabuhi.
Subay sa impormasyong gipagawas sa mga otoridad, gidala gilayon sa Democrito O. Plaza Memorial Hospital ang mga nasakpang grupo sakay sa bao-bao alang sa pagtambal sa mga samaran.
Sayrang ang maong grupo ang lakip usab sa mga nakig-binayloay og bala sa mga kasundalohan niadtung Marso 4.
Naila ang maong mga indibidwal nga sila si Michelle Campos, Aldren Baguio, Emelyn Acevido, and Jun Rey Tejero kansa mga miyembro sa Sub-Regional Sentro De Grabidad kon SRSDG, Sub-Regional Committee Southland, ingon man sa North Eastern Mindanao Regional Committee kon NEMRC.
Usa sa maong mga rebelde ang duna pay nakapending nga kasong kriminal.
Nanguna sa kalampusan sa troopa sa pangamhanan si Col. Emil Cruz, ang Acting Commander sa 401st Infantry Brigade.
