BUTUAN CITY – Gibalsamar na ang 4 ka patayng lawas sa 11 ka myembrong pamilyang Villaquinto nga natabunan og buhi sa may Barangay Kioya, Sibagat Agusan del Sur sa nakalabayng adlaw dungan sa pag-igo sa bagyong Odette sa Caraga region.
Naila ang mga niini nga sila Pirelyn Sanico-23 anyos, Proylan Cabalquinto-21, Pejie Cabalquinto – 15, Arvie Cabalquinto – 12 ug Jaypol Sanico – 28 anyos kondiin tiil lamang ang nakita niini.
Base kini sa gipahigayong search and retrieval operation sa SARAS Sibagat, kauban ang PNP ug 65th Infantry Battalion.
Sumala pa sa amahan nga napalgan ang patayng lawas alas 12 sa udto ug midesisyon ang kinamagulangang anak niadtong panahona nga mopaingon sa evacuation tungod sa punoan nga mitukod na sa ilang panimalay.
Samtang ipatigayon ang vigil sa covered court sa Barangay Kioya ug giplanohan nga ilubong kini sa sunod adlaw.
Padayon pa gihapon ang search and retrieval operation aron makita pa ang 6 pa ka patayng lawas sa nasangpit nga pamilya.
