BUTUAN CITY – Upat ka mga membro sa rebeldeng grupong New People’s Army kon NPA ang mitahan og balik sa gobyerno ug init usab ng gidawat sa tropa sa 23rd Infantry “Masigasig” Battalion paghidangat niini ngadto sa ilang headquarters sa Barangay Alubihid, lungsod sa Buenavista, Agusan del Norte.
Naila ang mga mitahan ng sila Alyas Ka Benon, 34-anyos, team leader sa ABE sa Squad Dos; alyas Ka Simon ug KaJudge, 27-anyos, team leader usab sa ABE Squad; alyas Ka Amalia, 21-anyos, membro sa Squad Uno ug alyas Ka Happy, 18-anyos, membro sa Squad Dos ubos sa Sangay sa Yunit Pang propaganda (SYP), Guerilla Front (GF) 4A, North Central Mindanao Regional Committee (NCMRC).
Sigon ni 1Lt Roel Maglalang, ang Civil Military Operations kon CMO officer sa maong batalyon, nagdesisyon ang upat pag-abandona sa nagkapupos na nga kawsa sa komunistang kalihukan aron makabalik sa ilang gikamingawang pamilya ug komunidad gawas nga bakak usab ang gisaad kanilang suportahan ang ilang pamilya kinsa nag-antos matud pa sa tumang kalisod samtang sila nakig-away alang sa gisilsil kanilang idolohiya.
Dili na usab matud pa nila makaya ang pagpamugos sa ilang mga lider nga mangilkil og kwarta ug pagkaon gikan sa mga ordinaryong sibilyan nga kung dili muhatag, ila kining harason.
Ila pang nariyalisar ang kaseryuso sa kagamhanan paghatag og suporta ug serbisyo ngadto sa katawhan sa mga lagyong lugar taliwa sa padayong pakigbatuk sa pagkaylap sa COVID-19.
