4 ka issues and concerns sa nasud, gustong madungog ni Rep Dale Corvera sa SONA ni PBBM

BUTUAN CITY – Upat ka nag-unang isyu nga gi-atubang karon sa nasud ang gusto ni Agusan del Norte Congressman Dale Corvera nga hisgutan unta matud pa ni Pangulong Ferdinand Marcos Jr., sa iyang State of the Nation Address kon SONA karong hapuna.

Sa eksklusibong interview sa Bombo Radyo Philippines direkta gikan sa Batasan Pambansa Complex, gipadayag niining gusto niyang madunggan gikan mismo sa pangulo ang estado sa charter change partikular sa economic provision.

Ikaduha ang baruganan sa Pilipinas sa West Philippine Sea, dayon ang solusyon sa nagkataas nga inflation rate sa nasud ug ang pakigbatuk sa gobyerno sa kaylap karon nga operasyon sa ginadiling druga.