-- ADVERTISEMENT --
BUTUAN CITY – Gibana-banang muabot sa 500-mil pesos ang damyos sa natigayong sunog sa Purok-7, Barangay Pagatpatan ning siyudad sa Butuan kagahapon sa hapon nga miugdaw sa 4 ka mga balay.
Sigon ni FO2 Shiella Gultiano, tigpamaba sa Bureau of Fire Protection kon BFP-Butuan, nadawat nila ang fire call pasado alas-5:18 sa hapon diin daling girespondihan sa ilang mga personahe.
Mi-abot sa first alarm ang sunog nga nagsugod sa panimalay ni Placido Tajudan Monte de Ramos og midamay sa laing tulo. Nadeklarang fire control ang sunog pasado alas 5:49 sa hapon ug na fire out alas 6:00 sa sayung gabii.
Gipasalamatan ni Gultiano nga walay nasakitan sa maong sunog ug gipadayag nga padayon pa ang imbestigasyon sa hinungdan sa pag-ulbo sa kalayo.
