4.8 magnitude nga linog sa New York, kusog na alang sa mga residente

BUTUAN CITY – Bisan og wala mitala og dakong damyos sa New York ug New Jersey ang 4.8 magnitude nga linog nga mitay-og kagabii, oras sa Pilipinas, nakahatag gihapon kini og alarma sa katawhan sa New York tungod kay karon pa sila nakasinati og ingon niini kakusog-kusog nga linog human niadtong November 30, 1783.

Sa eksklusibong pakighinabi ning sibyahan, gibutyag ni Bombo international correspondent Ferdinand Nakila nga  lahi kanilang atua sa California, diin anaa sila nahimutang sa ring of fire hinungdan nga anad na sa ingon niini kakusog nga pagtay-og.

Duna matud pa’y faultline ang New York ug New Jersey apan dili sila apil  sa Big One.

Wala pa siya makakuha og kasayuran kung duna ba’y mga Pinoy nga apektado sa pagtay-og.