BUTUAN CITY – Lauman ang pag-ulan karung adlawa sa pipila ka parte sa nasud tungod sa 3 weather systems.
Sumala sa Philippine Atmospheric, Geophysical and Astronomical Services Administration kon PAG-ASA, magpadayon ang magdag-um sa kalangitan nga adunay inanay nga pag-uwan uban nga panalugdog ug pagpangilat ilabina sa Visayas, Camarines Sur, Catanduanes, Albay, Sorsogon, Masbate ug Romblon tungod sa shear line.
Samtang lauman usab ang susamang cloudy nga kalangitan ug katag-katag nga pag-uwan uban sa panalogdog ug pagpangilat sa Caraga, Palawan, Camiguin, Misamis Occidental, Misamis Oriental, ug Zamboanga del Norte tungod usab sa easterlies apil na sa Cagayan, Isabela, Quezon, Laguna, Batangas, Marinduque, Oriental Mindoro ug Camarines Norte tungod sa Northeast Monsoon o Amihan.
Nagpasidaan usab ang PAGASA nga posibleng amghatud kini og mga pagbaha ug pagdahili sa mga yuta dayong pahinumdom sa publiko nga mag-amping pag-ayo aron malikayan ang bisan unsang posibleng peligro.
