BUTUAN CITY – All set na ang Bureau of Fire Protection kon BFP-Caraga alang sa tulo ka adlaw nga 3rd BFP Mindanao-wide Sportsfest nga sugdan karong Miyerkules, Agusto 23 hangtud Biernes, Agusto 25.
Sa eksklusibong pakighinabi sa Bombo Radyo Butuan, gibutyag ni Bureau of Fire Protection kon BFP-Caraga regional director Fire Chief Supt. Trajeras Jr., ipahigayon kini sa Surigao City human gisangon kanila nga mahimong host regional sa maong sporting event.
Apil niini ang ilang mga ka-ubanan sa Region 9 kon Zamboanga Peninsula, Rergion 11 kon Davao Region; Region 12 kon South Cotabato, Koronadal, Sarangani kon SOCCKSARGEN; Bangsamoro Autonomous Region in Muslim Mindanao kon BARMM ug ang Caraga Region.
Mukabat matud pa sa 356 ka mga bisita ang gila-umang nilang mudalikyat sa Surigao City aron musalmbot sa managlahing events sama sa basketball; vollyeball alang sa lalaki ug babaye; lawn ug table tennis alang gihapon sa mga babaye ug lalaki; chess, dart ug badminton.
