BUTUAN CITY – Ningsaka og kapin 2-milyones ang ihap sa mga Pilipinong istambay kon walay trabaho o panginabuhian niadtong Abril ning tuiga. Sumala sa Labor Force Survey sa Philippine Statistics Authority (PSA), tungod kini sa dakong ihap sa mga Pilipino nga nangindahay apan wala makakaplag og trabaho.
Sumala ni National Statistician Claire Dennis Mapa, ningsaka og dyutay ang mga Pilipinong nag edad og 15-anyos pataas ang walay trabaho sa nasangpit nga bulan ngadto sa 2.6 milyones.
Mas taas kini kung itandi sa 1,93 milyon nga natala sa buhatan niadtung Marso 2025.
Apan taliwala sa pagsaka sa ihap sa mga walay trabaho, nisaka usab ang ihap sa mga duna nay panginabuhian kansa gibana-banang mokabat sa 650-mil ngadto sa 48.67 milyones ka mga indibidwal gikan sa 42.2 milyones lamang niadtung Marso.
