BUTUAN CITY – Gipamatud-an sa kanhi rebelde nga si Ka Boom nga Human Rights gayud ang kanunay nga ibandera sa mga masakpang rebelde sa Pilipinas.
Apan sumala niini, dakong bakak lamang ang gipaglaban sa nasangpit nga mga indibidwal, ug maka guba lamang kini sa pamilya ingon man sa katawhan.
Nagsumikad ang maong pamahayag human sa gikatahong pagbisita sa usa ka non-government organization nga Kalinaw Davao de Oro sa mga dinakpang walo ka mga rebelde sa Bunawan Municipal Police Station niadtung nakalabayng adlaw.
Sayrang nahimong emosyonal ang maong pagbisita tungod kay uban man sa maong grupo ang pamilya sa pipila ka mga dinakpan, kansang uban, halos usa ka dekada na nilang wala makita.
Lakip niini si Ronnie Igloria, alyas Rey, kani Vice Commanding Officer sa NPA Guerilla Front 20 kansa subling nakita ang asawa ug mga anak sulod sa walo ka tuig. Ingon man si Lary Montero, alyas Laloy, kanhi membro sa Regional Headquarters of the Southern Mindanao Regional Committee (SMRC) kansa karon pa nakita ang pamilya sulod sa 11 ka tuig.
Sumala ni Ka Boom nga tungod sa mga residente, nagmalampuson ang pagsikop sa mga kanhi rebelde.
Dugang niini nga angayan lamang gihapong pasalamatan sa mga pamilya sa maong mga dinakpan nga nasikop ang ilahang mga mahal sa kinabuhi tungod kay buhi pa man kini, ug wala nakutloan og kinabuhi atul sa engkwentro.
