BUTUAN CITY – Nagmalampuson ang tulo ka adlaw nga LAB For All Mission ni First Lady Liza Marcos nga gipahigayon sa lungsod sa San Juan, lalawigan sa La UNion.
Sigon ni Department of Health kon DOH Sec Ted Herbosa, ka-abag nila sa maong programa ang nagkada-iyang ahensya sa gobyerno sama sa Department of Social Welfare and Development; Technical Education and Skills Development Authority kon TESDA; ug uban pa.
Tumong sa nasangpit nga programa nga mapa-abot ngadto sa mga Pinoy ang libreng konsulta sa mga balatian pinaagi sa 144 ka mga Doctors to the Barrios, laboratory examination apil na ang paghatag kanila og libreng tambal.
Sa tulo ka adlaw nga serbisyo publiko, mi-abot sa 2,500 ka mga residente sa maong lungsod ang naserbisyuhan.
Dugang ni Herbosa, halos tibuok nasud ang ilang serbisyuhan dungan sa paglaum nga unta magpadayon pa kini ilabina sa mga lagyong dapit.
