BUTUAN CITY – Tulo ka mga barko sa China Coast Guard (CCG) ang nasigpatan sa Bajo de Masinloc samtang gibantayan sa Philippine Coast Guard (PCG) ang mga mangingisdang Pilipino nga nanginabuhi sa maong lugar.
Sumala sa PCG, nagpadala sila og tulo (3) ka mga barko ug usa (1) ka eroplano sugod niadtong Enero 26 aron mohatag og suporta sa kapin sa 40 ka mga fishing vessels sa mga mangingisdang Pilipino nga gikan sa Zambales, Bataan, Pangasinan, ug Mindoro.
Atol sa misyon, nadokumento sa Coast Guard ang presensya sa mga barko sa CCG, bisan pa wala kini makababag sa operasyon sa mga mangingisdang Pilipino sa lugar ug ilang gipadayon ang ilang katungod sa pagpangisda.
Giklaro sa PCG nga lig-on ug dili matay-og ang ilang posisyon sa pagpanalipod sa mga mangingisdang Pilipino ug sa pagpamugos sa sovereign rights sa atong nasod sa pinagtatalunang katubigan.
Samtang niini, matod pa sa PCG, ang mga mangingisdang Pilipino nakadawat usab og fuel subsidies, freshwater, yelo, ug food packs aron masustini ang ilang mga kalihokan sa pagpangisda.
