BUTUAN CITY – Tulo ka mga tawo na nga nag-ead og 52 hangtud 68-anyos gikan sa usa ka construction firm ang gi-aresto sa mga otoridad sa Hong Kong tungod sa pagkasunog sa mga apartment blocks sa Tai Po district nga gimamatay sa 44 ka mga tawo samtang kapin pa sa 200 ang missing.
Ang tulo nga gi-aresto tungod sa gitu-uhang manslaughter, gilangkuban sa duha ka mga directors ug usa ka engineering consultant ug padayon pang gi-imbestigahan ang hinungdan sa pag-ulbo sa kalayo.
Nakita sa mirespondeng mga pulis ang mga polystyrene boards nga gipangtapak sa mga bintana sa maong site nga gipa-ilalom sa renovations, nga maoy nakapasamot sa daling pagkaylap sa kalayo ngadto sa kasikbit nga ma dakbalay tungod sa ilang mga scaffolding nga gama sa kawayan.
Apil sa napalgan sa mga pulis ang mesh ug protective material gawas sa mga buildings nga dili matud pa fireproof, apil na ang styrofoam sa mga bintana sa building
Tungod niini, nalantaw sa kapulisan nga ang in-charge sa maong kompanya, nagdinanghag hinungdan sa insidente nga miresulta sa dakong damyos ug daghang kinabuhi ang nakalas.
