BUTUAN CITY – Gipadayag ni Department of Migrant Workers Secretary Atty. Hans Leo Cacdac nga gikatakdang bitayon sa managlahing nasod sa kalibutan ang 38 ka mga Overseas Filipino Workers.
Sumala sa opisyal, kadaghanan sa mga anaa sa death row gikan sa Saudi Arabia ug sa ubang mga nasud sa Middle East tungod sa mga kasong pagpatay, iligal nga droga, ug sa uban pang mga bug-at nga kaso.
Apan taliwala niini, gipaniguro ni Cacdac nga makalaom gihapon ang mga pamilya sa nahisgutang mga indibidwal nga tabangan sila sa kagamhanan. Dugang niini, dili lamang legal assistance ang ihatag sa gobyerno sa maong mga indibidwal kundili lakip na ang cash assistance alang sa ilang pamilya dinhi sa Pilipinas.
Subay niini, gipasigarbo sa opisyal nga duna nay maayong resulta ang ilang pag-assist sa mga Pilipinong nahukmang bitayon.
