BUTUAN CITY-Gitambongan sa mga departamento sa lokal nga kagamhanan ug mga kauban nga ahensya ang pagsugod sa ika-36 nga Civil Registration Month nga gipahigayon sa Butuan City Hall aron ipasiugda ang kamahinungdanon sa civil registration.
Gipasiugdahan niini ang paglansad sa usa ka bulan nga kalendaryo sa mga kalihokan kansa nagtinguha sa pagpalapad sa kahibalo ug pagdasig sa partisipasyon sa publiko, samtang gihatagan usab og mga sertipiko sa pag-ila ang mga kauban nga klinika ug ospital tungod sa ilang suporta ug pagtuman sa mga paningkamot sa civil registration.
Gipunting sa maong kalihokan ang papel sa husto ug masudlan nga civil records sa pagpalambo sa inklusibo, transparent, ug accountable nga pangagamhanan pinaagi sa pagpanalipod sa identidad ug legal nga katungod sa mga lungsoranon ug sa pagpasiguro sa ilang akses sa mga sukaranan nga serbisyo.
Pinaagi niini, gipadayag ni Butuan City Mayor Law Fortun ang iyang lig-on nga suporta sa mga inisyatibo nga nagpalig-on sa civil registration isip usa ka pundasyon sa inklusibong kalamboan nga nagbarug sa responsibo ug people-centered governance.
