BUTUAN CITY- Mukabat sa dul-an 37,000 pesos nga kantidad sa illegal nga ginabas nga mga kahoy ang nakumpiska sa kapulisan gikan sa tulo ka indibidiwal human nadakapan sa kapulisan sa Abubu, Brgy. Dagohoy, Dapa, Surigao del Norte ning nakalabay nga adlaw.
Giila ni Police Brigadier General Romeo Caramat Jr. Regional Director sa PRO13 ang mga suspek nga sila Salvador B. Cortina, 64 anyos, residente sa Brgy. Dagohoy, Dapa, Surigao del Norte; Arnel B. Gotinga, 30 anyos ug Raffy F. Longos, 20 anyos , pulos residentse sa Brgy. San Miguel, Dapa, Surigao del Norte.
Sumala kang Police Brigadier General Caramat, nakadawat og taho ang Dapa MPS gikan sa mga concerned citizen nga adunay nagpahigayon og illegal logging activity sa lugar hinungdan sa gilayong paghimo sa operasyon uban sa Department of Environment and Natural Resources (DENR) Protected Area Management Office-Siargao Islands Protected Landscapes and Seascapes (PAMO-SIPLAS) sa maong lungsod resulta sa pagkasikop sa mga suspek.
Nakumpiska sa mga operatiba ang chainsaw, 613.80 board feet sa Kolo species, ug 1.45 cubic meters sa illegaly cut Kolo ug Talisay species kansa ang kantidad mukabat sa Php36,828.
Naka-kustodiya na ang mga nadakpan sa Dapa Municipal Police Station samtang ang nakumpiskang items anaa sa kustodiya sa DENR PAMO-SIPLAS, Dapa.
