BUTUAN CITY – Migawas sa findings sa Task Force Siargao sa Department of Environment and Natural Resources kon DENR nga mi-abot sa 361 ka mga tourist establishments ang nagsumpay sa ilang mga istraktura sulod sa easement zone.
Tungod niini, gimanduan sa task force ang mga tag-iya og mga operators niini nga establisamiento nga boluntaryo nilang i-demolish ang ilang mga istraktura.
Ang pagkadiskubre sa mga easement violations nasuta human ang 14-ka adlaw nga assessment og evaluation analysis nga gihimo sa Task Force Siargao sa lungsod sa General Luna.
Sigon ni Department of Environment and Natural Resources kon DENR Caraga Regional Executive Director (RED) Felix Alicer, gi-review nila ang data analysis sa 1,298 ka mga tourist establishments og homestays kondiin ilang gi-evaluate ang compliance sa mga niini ngadto sa environmental laws og sa rules and regulations sa ahensya.
Nagpadala na ang DENR 13 og sulat ngadto sa mga tag-iya og mga operators sa maong mga tourist establishments, kansa nagpahibalo kanila sa ilang mga kalapasan uban sa request pag-demolish sa maong mga istraktura nga ilang gitukod sulod sa gi-regulate nga access way.
Makig-alayon usab ang DENR sa building official sa Mayor’s Office sa General Luna aron ipahibalo ang ilang findings.
