BUTUAN CITY – Napildi ang Gilas Pilipinas sa ilang unang duwa sa 2025 FIBA Asia Cup kaganina lang batok sa Chinese Taipei sa score nga 95-87.
Gidomina sa Chinese Taipei ang maong duwa kondiin sukad pa sa sinugdan, wala na gyud nakalabawang national basketball team sa Pilipinas sa maong torneo nga gihimo sa Jeddah, Saudi Arabia.
Usa sa nakapalisod sa Gilas mao ang sayong foul trouble ni naturalized player Justin Brownlee, nga na-foul out dayon sa unang bahin pa lang sa katapusang quarter.
Gipaninguha pa sa Gilas Pilipinas nga makaduol sa iskor, apan kusog kaayo ang depensa ug opensa nga gipakita sa Chinese Taipei. Kini na ang ikaduhang kapildihan sa Gilas kontra sa Chinese Taipei karong tuiga, human sa ilang unang pagdaug niadtong Pebrero. Nanguna sa Chinese Taipei si Ying-Chun Chen nga mitala og 34 ka puntos.
Sunod nga makontra sa Gilas sa Group D mao ang New Zealand ug Iraq.
