BUTUAN CITY – Mi-abot sa 32 ka mga pamilya ang namakwit gikan sa Purok 1, 1-West, 2 ug 6 sa Brgy. Calibunan, Cabadbaran City ang nanghikling human nga gihapak sa mga dagkong balud ang ilang pinuy-anan.
Gibana-banang mu-abot sa 20 ngadto sa 30 ka mga balay sa Purok 1-West sa Brgy. Calibunan, Cabadbaran City ang nadamyos sa kusog nga hangin ug dagkong balud nga mihapak sa mga niini tungod sa bagyong Bising.
Sa eksklusibong pakighinabi sa Bombo Radyo Butuan, gipadayag sa usa sa mga nagub-an og pinuy-anan nga si Jose Manulac nga bale tulo ka pamilya silang nagpuyo sa iyang panimalay nga dili na mapuy-an pa tungod sa grabeng pagkaguba niini.
Nagsugod matud pa ang paghapak sa kusog nga hangin nga maoy nagpadako sa balud sa dagat ning mi-aging Dominggo sa buntag hangtud na nga naghapon ug kagahapon pang adlawa. Gibisitahan na matud pa sila sa taga-City Disaster Risk Reduction and Management Council kon CDRRMO kagahapon aron masuta ang ihatag kanilang mga ayuda rason nga nahatud gilayon kini ngadto kanila pagkahapon.
Samtang gibutyag usab ni Alvin Sagarbarria nga bisan anad na sila sa ingon niini nga panghitabo rason nga wala sa ilang plano nga mubalhin pagpabarog sa ilang pinuy-anan.
