BUTUAN CITY – Ugmang adlawa na Dominggo, sulayan ni Pinoy Aquaman Atty. Ingemar Macarine ang una niyang paglangoy nga wala’y hunong-hunong sa English Channel, usa ka 33-kilometrong span sa kadagatan diin himuon ang iyang pagtabok gikan sa United Kingdom ngadto na sa France.
Gipahibalo sa iyang boat pilot nga si Eric Hartley sa Pathfinder Charter og ni Channel Swimming Association kon CSA Observer Keith Oiller nga ang tentative swim schedule niya, unya nang alas-dos sa kaadlawon kansa ma-usab lang depende sa lakat sa panahon.
Magsunod kaniya nga sakay sa bangka sila Roel Catoto and Seju Leo Udtohan samtang ang Indian long distance swimmer nga si Sameer Patil maoy magsilbi niyang swim pacer.
Gipadayag sa swimming lawyer nga wala’y hunong niyang languyon sulod sa gibana-banang 13 ngadto sa 15 ka mga oras ang 21-milyas nga gilay-ong English Channel kansa duna’y temperaturang 17-degrees Celsius.
Ang English Channel gikonsiderang “Mount Everest” sa mga open water swimmers gikan sa tibuok kalibutan. Kung ang summit sa Mount Everest nasaka na sa pito ka mga Filipinos, ang iconic nga English Channel tabukon pa lang sa usa ka Filipino.
Gipadayag ni Atty. Macarine nga duha ka tuig na siyang nagbansay og nangandam niini nga ultimate swim.
Ipahinungod niya ang maong paglangoy ngadto sa mga Filipinos aron pag-promote sa mas limpyong kadagatan og
turismo sa Pilipinas. (Beth Ruiz)
