BUTUAN CITY – Dili muminos sa 30-mil ka board feet sa mga kahoy nga gikan sa Agusan del Sur ang andam nang gamiton alang sa rehabilitasyon sa Marawi City.
Kini nga mga ginabas nga kahoy kabahin sa 40-porsiento nga production share sa usa ka kompanya sa kahoy sa maong lalawigan nga holder sa usa ka Integrated Forest Management Agreement nga mag-produce og round wood alang sa mga forest-based manufacturing industries.
Kini nga dakong volume sa mga lumber materials naaghulat na lang og final approval kang Environment Secretary Roy Cimatu aron mahatud gilayon ngadto sa Marawi City aron magamit sa reconstruction and rehabilitation works.
Sigon ni Department of Environment and Natural Resources kon DENR-Caraga Director Charlie Fabre, mukabat sa 1,000 cubic meters sa mga nakumpiskang kahoy usab subay sa gipatumang anti-illegal logging drive sa gobyerno sa managlahing bahin sa rehiyon, ang andam na usab nga gamitonalang sa housing rehabilitation sa Marawi City. (Beth Ruiz)
