BUTUAN CITY – Gikumpirma ni Police Lt. Abel Bulawan, tigpamaba sa Butuan City Police Office kon BCPO nga 5 ka pulis na ang nagpositibo sa Covid-19 nga virus.
Kini human nga migawas ang resulta sa gipahigayong swab test sa mga nagpositibo sa rapid testing nga muabot na sa 31 ka mga pulis. Hinoon wala nagpakita og bisan unsang simtomas sa Covid-19 ang 5 ka pulis nga anaa na sa pasilidad ning siyudad alang sa pagmonitor.
Samtang ang mga nagpositibo sa rapid test, naka-strict home quarantine na og ang uban gibutang sa isolation facilities alang sa pag-monitor.
Subling ipailalom ang mga niini sa rapid testing diin ang mag-negatibo kinahanglan pa gihapong mopailalom sa 14 ka adlaw nga quarantine adiser makabalik sa serbisyu.
Sumala pa ni Bulawan nga gisugdan nila sa nakalabay pang buwan ang pagpa-ilalom sa rapid testing sa tanang kapulisan ning siyudad diin muabot na sa 50 porsiento ang na-rapid test.
Gihimo kini ilabina kay ang kapulisan lakip sa mga frontliners sa kasamtangang pakig-away sa makamatay nga virus.
