BUTUAN CITY – Mi-abot sa 30 ka mga tawo ang patay sa sunod-sunod nga pagpamusil sa Papua New Guinea, tali sa magkaribal nga tribong nag-ilog sa usa ka gold mine. S
igon ni Police Commissioner David Manning, gihatagan gilayon og emergency powers ang security forces aron mahunong na ang kagubot apil na niini ang paggamit og lethal force sa Porgera gold mine sa central highlands sa maong nasud. Kini sukad ang mga membro sa Sakar clan mi-abot sa lugar ngagipanag-iyahan sa ilang karibal, ang mga Piande, niadtong Agusto.
Gibawal na usab ang pagpamaligya og mga ilimong makahubog dungan sa pagpatuman sa tibuok gabii nga curfew. Ang nagkagrabeng sitwasyon mugna matud pa sa mga illegal miners ug mga settlers nga migamit og kagubot aron ma-terrorize ang lokal nga komunidad ug mabiktima ang mga traditional landowners hinungdan nga ang tanang mu-isa sa ilang armas diha sa publiko, pusilon.
