BUTUAN CITY – Padayon karung gi-imbestigahan sa kapulisan ang 3 ka mga indibidwal nga gitudlong mga suspetsado sa brutal nga pagpatay sa usa ka Small Town Lottery kon STL teller sa nakalabay nga gabii sa Brgy. Manapa, sakop sa lungsod sa Buenavista, Agusan del Norte.
Anaa na matud pa sa police station ang 3 ka mga suspetsado alang sa makuting pag-imbestigar og kung mapamatud-ang sila ang responsable pinaagi na usab sa kuha sa CCTV Camera, gelayon matud pa silang arestuhon.
Nasayrang pa-remit na unta ang biktimang si Liezel Madrea Ordinan, 34-anyos, minyo og residente sa Purok 3-A, sakop sa maong barangay, mga alas-otso kagabii sa iyang kita ngadto sa ilang silingan nga maoy muhatod sa kwarta sa sentrong bahin sa maong lungsod gikan sa naplastaran sa iyang pwesto sa Purok 6 apan wala na kini maka-abot pa.
Dinhi na siya gipangita sa iyang mga anak og napalgan na lang siyang nagkadugo na nga naglingkod sa baybay nga bahin rason nga dali kining gidala sa ospital.
Gipangutana pa kini sa iyang anak kung kinsa ang mihimo niini kaniya apan wala matud pa siya maka-ila hangtud nga nakabsan na kini sa iyang kinabuhi pasado alas-dies sa gabii.
Sutaon pa nila kung gilugos kini tungod kay na-os os na sa ubos sa iyang tiil ang iyang pantalon og underwear.
