BUTUAN CITY – Gikumpirma sa liderato sa Regional Public Safety Battalion ( RPSB ) – 13 nga aduna sila’y tulo ka mga kaubanan nga nasamdan atol sa lain na usab nga panag-engkwentro batuk sa walhong grupo kagahapong adlawa.
Sa pakighinabi ning sibyahan, gibutyag ni PSSupt. Roland Portera, Battalion Commander sa RPSB – 13, nga nahitabo matud pa ang maong engkwentro didto sa may Sitio Kabayawa, Brgy. Poblacion, Carmen, Agusan del Norte samtang nagpahigayon sila ug hot pursuit operation batuk sa mi-ikyas nga mga rebeldeng New People’s Army kon NPA nga mi-harrass sa tropa sa RPSB nga nakabase usab sa may Brgy. Tagcatong sakop sa susamang lungsod ning miaging adlaw.
Sigon niini nga anaa na matud pa sa balay-tambalanan ang mga samaron nilang mga kaubanan hinuon stable na matud pa ang kahimtang sa mga niini.
Padayon pa usab nilang gipakisayran ang pikas grupo kung wala ba usab kini mga casualties subay sa maong panghitabo.
Nagsugod matud pa ang panag-engkwentro bandang ala – una ang takna sa kadlawon kagahapong adlawa sa nahisgutang lugar. (Mon Aplaya)
