BUTUAN CITY – Tulo ka mga tawo ang patay samtang usa ang angol sa panagbangga sa usa ka traysikol ug fuel tanker didto sa Barangay Carmelo, lungsod sa Banate, Iloilo.
Naila ang mga namatay nga sila Ariane Bactung San Miguel, 26-anyos, driver uban sa mga pasaherong sila Rodolfo Baldevarona Bachar, 62-anyos ug Rosana Paclibar Barba, 36-anyos samtang angol ang igsoon sa driver nga si Armefer Bactung San Miguel, 22-anyos, pulos residente sa Barangay De La Paz, sa susamang lungsod.
Luwas sa maong insidente ang driver sa fuel tanker nga si Joecie Aguilar Biana, 46-anyos, residente sa Barangay San Lucas, lungsod sa Barotac Viejo, lalawigan sa Iloilo.
Sigon ni Police Master Sergeant Jhan Baylon, imbestigador sa Banate Municipal Police Station, gipanaog na sa driver sa traysikol ang iyang manghod sa may terminal apil na ang duha ka mga pasahero dihang gibanggaan sila sa fuel tanker nga mi-overtake sa usa ka motorsiklo.
Tungod sa kakusog sa impact, natunga ang traysikol sidecar, hinungdan sa mga casualties.
Gikostudiya na sa kapulisan sa Banate ang driver sa fuel tanker alag sa tukmang disposasyon.
