-- ADVERTISEMENT --
BUTUAN CITY – Tulo ka mga tawo ang patay sa natigayong pagpamusil sa usa ka tunghaan sa Bosnia kondiin ang mga biktima, pulos mga high school staff sa lungsod sa Sanski Most.
Gamit ang usa ka automatic rifle, unang gipusil sa suspetsadong si Mehmed Vukalic, janitor sa maong tunghaan, ang dean dayon ang secretary ug katapusan ang English teacher nga miretiro na apan mibalik sa pagtudlo.
Wala’y mga bata ang angol sa insidente tungod kay bakasyon man karon. Naka-angkon ang suspek og samad sa iyang tiyan tungod sa pagsulay niini sa pagpakamatay.
Gipakisayran pa sa mga otoridad ang motibo sa suspetsado sa maong insidente.
