-- ADVERTISEMENT --
BUTUAN CITY – Patay ang tulo ka mga tawo human nahagsa ang gisakyan nilang Cessna plane sa Boca Raton, Florida sa Estados Unidos.
Sigon sa Federal Aviation Administration (FAA) ug sa National Transportation Safety Board, nahagsa ang twin-engine Cessna 310 nga eroplano sa kalsada sa Boca Raton, Florida.
Angol usab sa insidente ang usa ka lalaking sakay sa iyang kotse human na-igo sa debris ug kalayo gikan sa nahagsang eroplano.
Nasayrang gikan sa Boca Raton ang eroplano ug padulong unta sa Tallahassee dihang nahagsa 12 minutos human kini nag-take off.
Padayon pang gi- imbestigahan sa mga otoridad ang maong insidente.
-- ADVERTISEMENT --
