BUTUAN CITY – Wala na maka-abot pa og Pasko ang tulo ka mga indibidwal human namatay aa dugu-ong panagbangga tali sa d-pasayruang van ug trak de karga kagahapon sa hapon didto sa Sitio Bulotano, Brgy Lantay, lungsod sa Pangantucan, Bukidnon.
Na-ila ang mga biktima nga sila Sonia Bangit, 47-anyos; usa ka dalagita kinsa pulos pasahero ug ang van driver nga si Argon Bangit, 58-anyos, pulos residente sa Brgy. Barandias sa maong lungsod samtang angol ang truck driver nga si Bryan Benachay, nga taga-Brgy. Adtuyon ug ang 20 anyos nga si Sayson Alquizar.
Migawas sa inisyal nga imbestigasyon nga nawad-an og brake ang trak nga kargado og mga tubo gikan sa lungsod sa Maramag ug padulong sa lungsod sa Kalilangan hinungdan nga nasungag niini ang passenger van ug nahulog pa sa habog nga tulay.
Gidetine si Benachay sa Pangantucan Police Station samtang gihikay na ang mga dokumento alang sa ipasakang kaso batuk kaniya.
