BUTUAN CITY – Parehong gideklarang dead-on-arrival sa attending physician ang tulo ka mga sakay sa Nissan Almira nga naka-head on collision sa usa ka Fuso forward kaganinang alas-5:45 sa buntag didto sa national highway sa Purok 8, Simulao, Brgy. Bunawan Crook, lungsod sa Bunawan, Agusan del Sur.
Naila ang mga namatay nga sila Osiag Obenieta, 32-anyos driver, Zoen Guibone og Rey Anthony Roa, parehong taga-Brgy. Bagontaas, Valencia City, Bukidnon. Sigon ni P/Capt. Paul Michael Neffe, hepe sa Bunawan Municipal Police Station, padulong unta sa General Luna, Siargao Island lalawigan sa Surigao del Norte ang mga biktima aron mudu-aw sa haya ni Mayor Jaime Rusillon.
Wala na sila maka-abot pa tungod sa maong insidente nga mugna sa pagkatagpilaw matud pa sa driver nga si Obenieta.
Migawas sa ilang pag-imbestigar sa mitahan nga driver sa forward nga layo pa lang ang Nissan, nakita na niyang padulong kini sa ilang direksyon rason sa iyang pagsilbalto og pagpadaplin apan mideretso gihapon kini sa ilang sakyanan rason sa pagkalumping sa Nissan hinungdan nga pulos na-ipit ang mga biktima.
