BUTUAN CITY – Tingkagol karun sa karsel ang tulo ka suspetsado nga mihimo og pagpang-kidnapp sa usa ka babayeng negosyante kagahapong adlawa. Nasayrang natigayong ang kremin pasado alas 7:00 sa buntag kagahapon sa P-8 Brgy. Taglatawan, Bayugan City.
Wala pa gipagawas ang pangalan sa mga suspek apan kini mao ang 43 anyos gikan sa Brgy. Ki-otoy, Panabo, Davao del Norte; ang 38 anyos gikan sa Brgy. Kaganguhan, Panabo, Davao del Norte ug ang ikatulo ang 47 anyos nga gikan sa Brgy. Bitan-agan, San Francisco, Agusan del Sur.
Nadakpan ang mga niini pagka-alas 4:00 sa hapon sa samang adlaw sa Brgy. Bitan-agan, San Francisco, Agusan del Sur.
Kini human sa hot pursuit operation sa kapulisan sa Bayugan City ug San Francisco batok sa mga suspek sa tabang sa CCTV ug GPS(Global Positioning System) sa sakyanan.
Nasayran nga ang red Toyota Vios with plate number ZAC8764, usa ka rentahanan gikan sa Panabo City. Samtang ang ilang gibiktima mao ang negosyante nga si Alice Parba, 32 anyos, residente sa Brgy Taglatawan, Bayugan City.
Samtang naglakaw pagawas sa iyang pinuy-anan ang biktima kalit nga miabot ang sakyanan ug ang usa sa mga suspek ang mibira sa biktima og minaog usab ang laung usa ka suspek aron mapasulod sa sakyanan angh biktima nga nagsinggita og tabang.
Gipanaog matud pa ang biktima sa usa sa barangay sa Barobo, Surigao Del Sur og karun nakabalik na nga luwas ngadto sa iyang pamilya. Hangtud sa karun padayon pang gisuta ang motibo sa pagpangdagit.
