BUTUAN CITY – Tulo ka mga rebeldeng New People’ Army kon NPA ang nadakpan sa gilusad nga joint operation kagahapong adlawa sa lungsod sa Magallanes, Agusan del Norte.
Naila ang usa sa mga nadakpang si Sherlita Perales alyas “Bebe”, 62-anyos kinsa nadakpan pasado alas-5:45 sa hapon sa iyang mismong pinuy-anan sa Brgy. Caloc-an kinsa duna’y gi-atubang nga kasong illegal possession of explosives sa sala ni Judge Eduardo Casals sa Regional Trial Court, Branch 2, ng nakabase sa Brgy. Libertad ning siyudad kondiin wala’y pyansang girekomenda alang sa iyang temporaryong kagawasan.
Apil sa nasikop pasado alas-10:05 kagabii si Honey Grace Perales alyas “Tisay Namatidong”, 18-anyos, kinsa nag-atubang og kasong robbery in band nga anaa sa sala ni Judge Augustus Calo sa 10th Judicial Region, Branch 5, Butuan City kansa duna’y girekomendang pyansa balor 200-mil pesos alang sa iyang temporaryong kagawasan.
Pagka-alas 11:30 kagabii, nasikop usab sa susamang lugar si Marnel Bahian alias “Ribo”, 25-anyos, lumad nga taga-Brgy. Sangay, Buenavista, Agusan del Norte. Gisikop si Bahian base sa alias warrant of arrest nga gi-isyu ni Judge Emmanuel Escatron sa 10th Judicial Region, RTC Branch 5, ning siyudad tungod sa kasong arson ng wala’y pyansang girekomenda.
Sigon ni PBGen. Romeo Caramat Jr., regional director sa Police Regional Office-13, migawas sa ilang imbestigasyon nga ang tulo, mga membro sa Guerilla Front 4A, Northeastern Mindanao Regional Committee ug ubos sa Periodic Status Report sa CTG Priority Target List.
