3 ka-probinsya sa Pilipinas, nagpositibo sa red tide

BUTUAN CITY – Apektado pa gihapon sa red tide ang tulo ka mga kabaybayonan sa nasod, sumala sa pinakaulahing bulletin sa Bureau of Fisheries and Aquatic Resources.

Gilangkuban ang maong mga lugar sa Dauis ug Tagbilaran City sa probinsya sa Bohol; Dumanquillas Bay sa Zamaboanga del Sur; ug kabaybayunan sa San Benito sa Surigao del Norte.

Gawas sa mga nahisgutang lugar gikan sa tulo ka mga probinsya, luwas na sa red tide ang ubang katubigan sa nasod.

Gitambagan usab ang publiko nga likayan ang pagpangolekta sa mga kinhason sa nasangpit nga mga lugar tungod kay delikado kining kan-on.

Gawas sa maong mga probinsya, mamahimong nang makuha ang o mapangisda ang mga nukos, pasayan, ug alimango, basta lang kay hugasan og lutoon lamang kini pag-ayo.