BUTUAN CITY – Tulo ka mga membro sa Communist Party of the Philippines-New People’s Army kon CPP-NPA ang napatay sa tropa sa 26th Infantry (Ever Onward) Battalion, 402nd Infantry (Stingers) Brigade, 4th Infantry (Diamond) Division, Philippine Army atol sa 5-minutos nga engkwentro batuk sa gibana-banang pito ka mga armadong rebelde atol sa gilusad nga military operations sa Sitio Damming Brgy. Zillovia, lungsod sa Talacogon, Agusan del Sur kagahapon sa alas-dos sa hapon.
Padayon pang gi-ila ang mg anamatay nga gilangkuban sa duha ka mga lalaki ug usa ka babaye nga gitu-uhang mga sakop sa SYP Platoon, Guerilla Front 88 sa North Central Mindanao Regional Committee.
I-turn over sa militar ang maong mga patay’ng lawas ngadto sa Municipal Police Station sa Talacogon alang sa saktong disposisyon.
Narekober sa militar ang nagkada-iyang armas ug mga war paraphernalia sama sa tag-usa ka M16 rifle, shotgun, kalibre .38 nga pistola ingon man tag-duha ka hand grenades ug anti-personnel mines ug nagkada-iyang mga bala.
Apil sa narekober ang lima ka mga cellphones, usa ka binocular, medical paraphernalia, 15 ka sets sa military battle dress uniform nga duna’y combat boots, personal nga mga gamit ug mga subersibong dokumento.
