3 ka mga Pinoy crews patay samtang 5 naluwas, human mitiklaob ang barkong gitiro sa mga Houthi rebels

BUTUAN CITY – Kumpirmadong mitiklaob ang barkong M/V Eternity C sa Red Sea nga duna’y kargang mga tripolanteng Pinoy, human gi-atake sa mga rebeldeng Houtis sa Yemen.

Sigon ni Department of Migrant Workers kon DMW Secretary Hans Leo Cacdac, tulo na ka mga tripolanteng Pinoy ang patay samtang laing lima pa ang naluwas.

Nakumpirma gikan sa tag-iya sa barko ang pagtiklaob niini samtang nagpadayon ang pagpangita sa uban human nasuta nga sakay niini ang 21 ka mga tripolanteng Pinoy ug usa ka Ruso.

Padayon pang gi-atiman ang mga naluwas nga wala’y tatsa sa lawas ug gila-umang daghang impormasyon ang ilang makuha.

Duna na’y nadawat nga report ang DMW nga duna na’y namatay sa maong insidente apan kinahanglan pa kining kumpirmahon.