BUTUAN CITY – Malampusong naluwas sa mga otoridad nga gi-ubanan ni Indigenous People’s Mandatory Representative kon IPMR Rico Maca sa Brgy. Calatngan, lungsod sa San Miguel Surigao del Sur, ang tulo ka mga minor-de-edad nga gidala sa iyang mga ka-tribong lalaki sa ilang lugar.
Nasayrang ang maong mga biktima nga gitago ang tinuod nga mga pangalan, lima ka adlaw nang nahanaw sa ilang lugar sa San Francisco, Agusan del Sur rason nga nagpatabang sila sa kapulisan.
Sa esklusibog pakighinabi ning sibyahan, gibutyag ni Maca nga pasado alas-singko kagahapon sa hapon dihang nadawat niya ang tawag gikansa kapulisan sa ilang lungsod ug nagpahibalo nga mireklamo ang mga ginikanan sa mga bata.
Inisyal nga nasayrang magkarelasyon matud pa ang unom og nagkasabot nga mu-adto sa San Miguel uban sa kondisyon nga manguli ra pagka-Sabado ug dihang wala matuman, dinhi na nagpatabang sa kapulisan ang ginikanan sa mga dalagita nga anaa apa lang sa grade 10 nagtungha.
Tungod niini, nakig-alayon gilayon siya sa mayor sa ilang lungsod ug kapulisan dayong adto sa hilit nga lugar sa mga lalaking nagdala kanila kansa iyang mga katribu.
