BUTUAN CITY – Misangpot sa trahedya ang unta usa ka makalingaw nga jamboree human namatay ang tulo ka mga senior high school students nga membro sa Boy Scouts of the Philippines sa Zamboanga City dihang nakuryentihan sa usa ka nagbitay nga live wire sa Freedom Park, Sitio Abong-abong, Barangay Pasonanca, Zamboanga City ning mi-aging adlaw.
Dead on arrival sa ospital ang mga biktima nga parehong 17-anyos nga sila Geoffree Atilano ug Kevin Iguid, parehong grade 12 sa Zamboanga City High School ug si Alvien Gaspar, kinsa grade 12 usab sa Recodo National High School. Gawas sa mga namatay, duna usa’y laing 10 nga padayong nagpa-alim sa ospital.
Migawas sa imbestigasyon nga ang nagbitay nga live wire, mi-igo sa metal nga parte sa tent kansa gibalhin sa mga bata alang sa ilang jamborette hinungdan nga sila nakuryentihan.
