BUTUAN CITY – Midangop sa Bombo Radyo Butuan ang tulo ka mga mangigisdang gi-imbitahan sa kapulisan sa lungsod sa Buenavista, Agusan del Norte may kalambigitan sa brutal nga pagpatay sa usa ka STL teller sa Brgy. Manapa.
Kini aron isumbong ang gihimong pagpanakit sa hepe sa kapulisan ngadto kanila nga si PCaptain Chad Kiat-ong, angkunon lang nila ang kreming dili sila ang mihimo.
Sigon ni Francis, blangko siyang ang pagtawag ni Kiat-ong kaniya dihang padunggo na siya gikan nangisda, musangpot na diay sa paggulat kaniya aron lang angkunon ang maong kremin.
Gipahukas matud pa siya og gipangutana kung kinsa ang ka-uban niini sa banlag nga iyang gi-istaran niadtong gabii nga nahitabo ang kremin rason nga iyang gitawag ang duha ka ulitawong taga-Tubay og dali silang gidala sa Purok 6.
Didto na siya gipugos pagpa-angkon sa kremin samtang si Eric Gamalo gipagakos sa punuan sa mangga og gidasok-dasok sa pulis, taliwa nga suspek pa lamang sila gawas nga wala’y kamatu-uran ang alegasyon niini.
Tumang kadismaya ang iyang gibati tungod kay tulo ka oras pa siyang gibilanggo og gipugos pa pagpahawid sa armas katulo ka higayon.
Nasuko matud pa og samot si Kiat-ong kay dili man niya hawiran ang armas.
Samtang dili makatuo si Eric Gamalo nga ma-apil sila sa gipasanginlan ni PCapt. Chad Kiat-ong nga mipatay sa STL teller tungod kay igo lang matud pa silang naka-abot sa Brgy. Manapa aron maglambay.
Sa eksklusibong pakighinabi ning sibyahan, gibutyag niining gi-apil sila ni Rene Sabio og dala sa police station og didto gipugos pagpa-angkon sa kremin.
Gisipa matud pa siya sa opisyal diha sa iyang dughan og taud-taud nga gipa-um-om kaniya ang armas.
Gipapunit pa kaniya ang kalibre 45 nga pistolang gibutang sa usa ka pulis diha sa iyang ubos og dihang wala siya mipunit niini, gipagawas na siya gikan sa kwarto.
Samtang gi-asuy ni Sabio nga dili sila patingugon higayong duna sila’y pangutana og pag-abot nila sa police station, susama kang Eric Gamalo ang iyang nasinatian nga gipapunit sa armas nga anaa sa salog kansa wala niya gikuha.
Dinhi na matud pa siya gisipa sa dughan sa makaduha ka higayon aron lang angkunon ang kremin rason nga naglisod siya pagginhawa.
Gipagawas matud pa sila pasado alas-dies sa gabii.
