BUTUAN CITY – Nagpagawas og suspension sa klase karong hapon sa tanang ang-ang, ma-pribado man o pampublikong tunghaan sila Mayor Myrna Mondejar sa lungsod sa Veruela ug Mayor Jose Cuyos sa lungsod sa Rosario, Agusan del Sur tungod sa mga pagbaha nga hatud sa wala’y hunong nga pag-ulan tungod sa shearline.
Miresulta kini sa pag-awas sa tubig sa nagkada-iyang tributaries ug mga suba kansa dili luwas alang sa mga estudyante.
Samtang sa lungsod usab sa San Francisco, dili lang ang klase ang gisuspende ni municipal mayor Atty Grace Carmel Paredes-Bravo kondili apil na ang trabaho sa mga government offices gawas lamang niadtong mga opisina nga kinahanglang magbilin og skeletal forces.
Samtang diskresyon na usab sa management sa mga pribadong establisamiento kung magsuspende sila sa ilang trabaho o dili.
