BUTUAN CITY – Mikalas sa tulo ka kinabuhi ang duha ka dagkong sunog nga miulbo sa managlahing lugar sa probinsiya sa Cebu.
Sa lungsod sa Tabogon , ang inahan og iyang 7-anyos nga anak nga lalaki ang nalakip sa pagka-paig sa dihang naugdaw ang ilang balay kagahapon sa kaadlawon.
Ang napatay nailang si Mylene Tul-id Lubanga, 33-anyos og anak nga si Regil Kent Tul-id Lubanga.
Ang wala napalong nga kandila ang gitoohang hinungdan sa sunog. Sigon ni Police Master Sgt. Venice John Paul Armero sa Tabogon Police Station nga walay kuryente niadtong gabhiona rasong nagdagkot og kandila ang pamilya nga nagpuyo sa Sitio Nangka, Barangay Ilihan.
Ang kandila gibutang sa plastic nga lingkuranan apan posibleng naduslitan sa kandila ang kurtina.
Nakahimo pa pagdagan ang inahan pagawas sa balay apan sa dihang nasayrang tua pa sa sulod ang iyang anak, mibalik kini og ang mga biktima wala na makagawas pa.
Sa Bogo City, usa ka one-year-old nga batang babaye usab ang napatay human na-trap sa nasunog nga panimalay niadtong domingo sa hapon.
Nahinanok sa pagtulog ang biktima kauban ang 4 niini ka igsoon sa pinuy-anan sa Purok Periko, Barangay Taytayan sa dihang kini nasunog bandan alas 3:45 sa hapon.
Ang mga bata lang ang nahabilin sa balay tungod kay pulos nanarbahon ang ilang ginikanan.
