BUTUAN CITY- Expected na matud pa sa Bangon Sambayanan ang tulo ka impeachment complaint nga gipasaka batok kang Vice President Sara Duterte. Sumala ni Jeffrey “Ka Eric” Celiz, Secretary General sa Bangon Sambayanan, nga klaro ang tumong sa mga grupo nga gustong iparalisa ug i-eliminar si Vice President Sara pinaagi sa impeachment operation tungod sa kahadlok nila dili lang sila si President Ferdinand Marcos Jr. ug kanhi House Speaker Martin Romualdez, sa posibilidad nga makadagan si Duterte sa 2028 Elections.
Sigon pa ni Celiz, nga bisan ang oposisyon nga kontra sa Duterte family wala nagduha-duha sa pag-angkon nga kusog nga contender si VP Sara sa umalabot nga eleksyon, ug giingon nga ang impeachment pabalik-balik lang gikan sa Akbayan Party-list nga grupo ni Senadora Risa Hontiveros.
Gipasi-atab usab niini, nga gipasi-uda matud pa ni Hontiveros nga samtang anaa pa si VP Sara Duterte, dili mawala ang impluwensya sa politika sa pamilya Duterte, hinungdan nga kinahanglang dili na makabalik sa gahum sa gobyerno. Pagklaro pa ni Celiz, nga ang isyu dili bahin sa korapsyon o accountability, kondili bahin sa gahum ug politika.
Dugang pa ni Jeffrey Celiz, nga gipaspasan sa mga power bloc ang impeachment process batok kang VP Sara aron ma-eliminate kini politically ug aron nga wala na kini higayon pa nga makadagan pagka-Presidente sa 2028.
Gibulgar usab ni Celiz, nga lakip sa nagpaluyo niini ang Communist Party of the Philippines- New People’s Army- National Democratic Front kon CPP-NPA-NDF ug uban pang urban operations organizations sama nila France Castro sa Act Teachers Party-list, kansa gika-ingon nga na-igo sa National Task Force to End Local Communist and Conflict Program.
Gani, tumong matud pa niini nga iparalisar ang impluwensya sa Duterte Political Brand of Leadership pinaagi sa pakigsabwatan sa mga party-list nga konektado sa CPP-NPA-NDF, uban sa Akbayan ug sa mga “Yellow and Pink survivors” nga grupo nila Leila De Lima.
Gipasabot usab niini, nga kon makonbikto si VP Sara sa impeachment complaint nga ipasaka sa Senado, dili na kini makadagan pa sa 2028 elections ug dili na usab kini mahimong ma-appoint o ma-elect sa bisan unsang public offices.
