BUTUAN CITY – Pasakaan og kasong paglapas sa Republic Act 9165 ang tulo ka mga indibidwal nga nadakpan sa gihimong anti-illegal drug operation kagahapon sa alas 2:00 sa hapon sa may P-4 Brgy. Babag, ning siyudad sa Butuan.
Naila ang mga naaresto nga sila George Pineda San Juan, High Value target, 38-anyos, minyo; Pedro Trillo Ocon,, 54-anyos, ug Pacholo Curalde Trillo, 39-anyos, pulos ulitawo, construction workers ug residente sa P-4, Brgy. Babag, Butuan City.
Gihimo ang operasyon sa ginsakpan sa Intelligence Operatives sa Butuan City Police Station-2 pinaagi sa implementasyon sa search warrant.
Lakip sa Nakumpiska sa operasyon ang duha ka sachets sa gitoohang shabu nga gibana-banang mitimbang og 10 gramos ug nagkantidad og 68-mil pesos.
Gikustudiya ang mga nakumpiskang drogas og uban pang ebidensiya sa Butuan City Police Station-2 alang sa tukmang disposasyon samtang pasakaan og kaso ang tulo pinaagi sa inquest proceeding.
