BUTUAN CITY – Gikumpirma sa Department of Health kon DOH-Caraga nga karung adlawa, Hunyo 9, 2020, tulo ka bag-ong kaso sa COVID-19 ang natala sa rehiyon, rasong misaka pa sa 14 ang kinatibuk-ang ihap sa COVID-19 cases.
Ang ika-12 nga kaso usa ka 29-anyos nga lalaki samtang ang ika-trese mao ang 31-anyos nga lalaki nga parehong gikan sa Agusan del Norte og mga Returning Overseas Filipinos kon ROFs nga miabot sa Pilipinas niadtong Abril 1 ug 18. Sa ilang pag-abot sa nasud, ang mga niini gi- quarantined sa Manila hangtud niadtong Mayo 25, 2020; gi-test usab kini sa RT-PCR diin negatibo ang resulta.
Niadtong Mayo 26, miabot sila sa Cagayan de Oro pinaagi sa Air Asia Flight Z28689 ug nagpalabay og gabii sa maong siyudad adiser mibiyahe padulong sa Caraga region pinaagi sa bus og direktang gi-quarantined sa ilang tagsa-tagsa ka LGU quarantine facility.
Ang ika-14 nga kaso mao ang 26-anyos nga babaye nga ROF usab gikan sa Agusan del Sur kansa miabot sa rehiyon niadtong Mayo 31, 2020 pinaagi sa land trip gikan sa Cagayan de Oro City.
Ang ilang tagsa-tagsa ka Local Government Units (LGUs) mihimo og Rapid Antibody-based Testing (RAT) diin ang mga niini nag-positibo rasong gikuhaan og swabs alang sa RT-PCR confirmatory testing.
Ang tulo ka pasyente anaa sa strict quarantine facility, diin walay gipakitang signs and symptoms og gi-monitor.
Gipahigayon na ang contact tracing og coordination sa mga LGUs og health authorities sa rehiyon 10 og 13.
Sa laing bahin, ang DOH Caraga nakadawat og 46 pa ka RT-PCR test results gikan sa Southern Philippines Medical Center sub-national laboratory diin ang mga niini negatibo sa COVID-19.
Ang resulta mao ang ikaduhang follow-up test sa ikaunom nga kaso; upat ka Suspect cases gikan sa Adela Serra Ty Memorial Medical Center (ASTMMC), Manuel J. Santos Hospital, Butuan Doctors’ Hospital og Agusan del Norte Provincial Hospital; duha ka Probable cases gikan sa Agusan del Sur; 19 ka RAT positive gikan sa Agusan del Sur, Agusan del Norte, Butuan City, Surigao del Sur og Dinagat Islands; 16 ka high-risk health workers gikan sa Adela Serra Ty Memorial Medical Center, Caraga Regional Hospital og Agusan del Sur samtang upat ang Close Contacts.
