BUTUAN CITY – Laing kalampusan na usab ang natala sa 23rd Infantry (Masigasig) Battalion, Philippine Army human narekober ang tulo ka Anti-Personnel Mines kon APMs nga gitanom sa mga rebeldeng New People’s Army sa bukirang bahin sa lungsod sa Buenavista, Agusan del Norte.
Daling girespondehan sa militar ang taho sa mga sibilyan gikan sa Sitio Bulak, Barangay Lower Olave, nga duna matud pa’y armadong grupo nga nagplano pagpangilkil ug dihang girespondihan, miresulta sa pagkadiskubre sa tulo ka mga landmines nga gitanom sa dalan nga agi-anan sa mga sibilyan.
Mapasalamton si Lieutenant Colonel Julius Cesar Paulo, Commanding Officer sa 23IB sa mga concerned citizens sa Barangay Lower Olave nga mihatag og impormasyon kanila dayung kondena sa NPA tungod sa pagbutang sa kinabuhi sa mga sibilyan ngadto sa peligro.
Mahinumdumang niadtong Hunyo 23,nadiskubre usab sa tropa sa 23rd IB ang APM depot sa mga rebelde nga gilubong sa may Barangay Maasin, Esperanza, Agusan del Sur.
Muabot sa 11 ka containers sa ammonium nitrate nga gigamit sa paghimo og bomba og landmines, uban sa mga panapton sa NPA og subersibong dokumento ang nakuha sa mga sundalo
