BUTUAN CITY – Gipanghimakak ni Capt. Al Anthony Pueblas – Civil Military Operations kon CMO officer sa 402nd Infantry Battalion, Philippine Army ang gipasi-atab sa tigpabama sa mga rebeldeng New People’s Army nga si Ka Otto nga duha nila ka mga sakop ang patay sa nagpadayong military operations ubos sa ilang area of responsibility.
Sa eksklusibong pakighinabi ning sibyahan, gibutyag ni Captain Pueblas wala’y ilang katropa nga namatay sa padayong engkwentro dungan sa pagklaro nga tulo lang sa unang gipasi-atab ni Ka Boom nga upat ka mga CAFGU members ang patay sa maong engkwentro.
Una nang ginganlan ni Ka Otto ang mga namatay nga sila Nonoy Ago sa brgy. San Antonio, lungsod sa RTR, Agusan del Norte; Dongdong Dejulde sa Brgy. Bangonay lungsod sa Jabonga; Rico Idihay sa brgy. Gamuton. lungsod sa Alegria lalawigan sa Surigao del Norte og Jeromie Alimbuyong sa Brgy. Hinimbangan, lungsod sa Kitcharao, Agusan del Norte uban sa laing usa ka CAFGU member nga na-angol samtang wala’y nahatag nga pangalan sa duha ka mga sundalong napatay usab sa ilang pwersa atol matud pa sa gilusad nilang snipe-harassment.
Samtang sa panig sa militar, gikadismaya ni Captain Pueblas ang pagpanghinambog sa mga rebelde sa ihap sa ilang napatay. Sigon ni Capt. Pueblas, pamatuod lang matud pa kini nga mga terorista ang maong grupo. (Beth Ruiz)
